Vai
ai contenuti della pagina [P]
CONTATTI
|
 Berto di fero |
… |
Vai
ai contenuti della pagina [P]
CONTATTI
|
Berto di fero |
… |
ROTONDE DAL PIT Da ANGEL La di PALMIRE
BEVI - CJANTA' - VOSA' - PIERDI A CJARTES
Glesie e ostarìes, riflesiôns e tristeries, tradisiôns e legjendes, stories contades un timp
doncje dal camìn, ta stale, tai cjâmps, il sociâl dai tîmps pierdûs a l'ere dùt culì.
Las ostarìes di Vilegnove a erin implenàdes soredùt di ômps, ma parones a erin simpri
làs lôr femines. L' ostarie dal Pit da Marie, da Catine tâs Sonedes, da Menine ta Baçiane,
Da Palmire sòt il cjampanîl, da Rine daûr la glesie, Dine dal fôr, simpri une femine
l'ostarie da cooperative in place, cumò clamade da Quarente.
La pui conosude a ere che di Menùt dal Pit, fì di Marie dal Pit, vecje coghe , dulà ducj i
cjaciadôrs, a puartavin a cusinà, gneûrs e fasâns, con quartîns di bacò, vin neri scûr, vin
di cjocs e di puare înt.
Tantes partides di briscule, bestemès sence pecjât, par vosà sence pensà. Tradision a ere
che il 1 di novembre , sere prime dai muârs, Catine, parone da l'osterie tà Sonedes, a vigjive iù
iù tàl Pit e paiave a ducj di bevi, puartânt un sac di cjiastines... amicizies di ustìries. I ài tancj
ricuârs, dai angs cinquante, il cjatasi tà ostarie par viodi par la prime volte in television lâs
partides da l'italie, il casìn, lâs barùfes, il vosà, la legrie se a fasevin gol, montà su lâs
cjadrês, saltânt di contentece parsore i bancs, no ricuardàsi che il sofìt a l'ere bàs, taculant
la volte cùi nestris cjamòs sentint sôl Menùt ca diseve..'no stait a rompi las tacès' ma no l' ere
pericul, cent fantàs cence bês, nancje une tace. D'estât fûr da ostarie, taulîns e cjadrês
plenes di giovins e vecjòs, ca babavin di dùt, di femines, di balòn, di porcarìes, di stories
di paîs... si comenciave dâs primes cjases da Vile o da Baçiane, a contà las novitâs, simpri
tristes, mai buines, ma cuant si rivave a la proprie famêe...si saltave....pa comincià di gjûf
da che dopo.
Ostaries furlanes ?... congressi culturali di altri tempi !
Buteghes viertes gròp di sunadôrs
| prime | seconde | … |
|---|
